រឿង តាបស និងសត្វកតាបសបានឃើញកណ្តុរតូចមួយត្រូវក្អែកពាំ ធ្លាក់មកលើដីហៀបតែនឹងស្លាប់ ហើយក៏អាណិត រើសយកកណ្តុរនោះ មកឱ្យចំណីរហូតធំធាត់។
ថ្ងៃមួយ កណ្តុរនោះ ត្រូវបានឆ្មាដេញចាប់ វាភ័យណាស់រត់មកតោងតាបស តាបសអាណិតក៏ជប់កណ្តុរនោះឱ្យក្លាយជាឆ្មា។
លុះក្រោយមក ឆ្មានោះក៏ត្រូវបានឆ្កែដេញខាំ តាបសគិត យីអាឆ្មានេះ ខ្លាចឆ្កែទេតើ ក៏ជប់ឆ្មានោះឱ្យទៅជាឆ្កែ។
មិនយូរប៉ុន្មាន ឆ្កែនោះក៏ត្រូវបានខ្លាដេញខាំ ហើយតាបសក៏ជប់ឆ្កែនោះឱ្យក្លាយជាខ្លា។ មនុស្សម្នា កាលបើឃើញខ្លានោះ ក៏នាំគ្នានិយាយថា អាខ្លានេះពីមុនជាកណ្តុរទេ។ ពេលនោះ ខ្លានឹកក្នុងចិត្តថា បើមិនសម្លាប់តាបសទេ មនុស្សម្នានឹងនៅតែនិន្ទា ហើយដឹងរឿងនេះជាមិនខាន។ នឹកហើយក៏ដើរទៅសម្លាប់តាបស។ ពេលទៅដល់ តាបសដឹងថាខ្លានោះមកសម្លាប់គាត់ គាត់គិតថា យីអាខ្លានេះរមិលគុណតើ គាត់ក៏បានជប់ខ្លានោះឱ្យទៅជាកណ្តុរវិញ។
មនុស្សថោកទាប បើកាលណាបានបុណ្យស័ក្តិខ្ពស់ ក៏នឹកឃើញចង់តែកម្ចាត់មេរបស់ខ្លួន។ណ្ដុរ
Post a Comment