ឱកាស (បា.; សំ.) ( ន. ) (អវកាឝ) ហេតុ, ការណ៍; ស្ថាន, ទី, ទីទំនេរ, ចន្លោះ; វេលា, វេលាទំនេរ, ពេលស្រួល; ផ្លូវ, ទំនង; សិទ្ធិជោគ; ការនិយម, ការអនុលោម; សេចក្ដីអនុញ្ញាតឲ្យ; ការយល់ព្រមតាម : ឱកាសល្អ ពេលល្អ, ទំនងស្រួល (ព. កា. ប្រើជា អវកាស ក៏បាន) ។ ព. កា. ថា : យើងទៅរកគេកុំចូលផ្តាស ត្រូវសុំឱកាសគេជាមុន កុំស្រាប់តែចូលឲ្យហួសស៊ុន គេពុំដឹងមុនកុំអាលចូល ។ នេះគឺជាសុជីវធម៌ បវរដែលលោកតែងអនុកូល ឬអាចហៅថាច្បាប់ចេញចូល ដូច្នេះទៅវិញក៏សឹងបាន ។ បើកឱកាសឲ្យ បើកផ្លូវឬទំនងឲ្យ, អនុញ្ញាតឲ្យ; បើកកន្លែងឲ្យ, ឲ្យវេលា ។ មានឱកាស មានពេលទំនេរ, មានទីបន្លោះ ។ សូមឱកាស សូមពេល ។ល។ ឱកាសទាន (–សៈ–) ការឲ្យឱកាស, ការបើកឱកាសឲ្យ ។ ឱកាសប្បដិសេធ ការឃាត់ឬបិទឱកាស ។ ឱកាសលោក (–សៈ–) មើលក្នុងពាក្យ ត្រៃលោក ។ វរោកាស (បា. < វរ + ឱកាស) ឱកាសស្រួល ។ សុន្ទរោកាស (បា. សុន្ទរ + ឱកាស) ឱកាសល្អ ។ល។
កន្លែងធ្វើការ មិនមែនជាវាលស្មៅពណ៍បៃតងខ្ចី ល្វឹងល្វើយ មានខ្យល់ត្រជាក់ ស្រស់ស្រាយ រីករាយអារម្មណ៍អីទេ តែវាគឺជាកន្លែងប្រយុទ្ធដ៏ក្តៅគគុករបស់អ្នកទៅវិញទេ។ មនុស្សមួយចំនួន ពិតជាមានចំណេះដឹង មានសមត្ថភាព និងទេពកោសល្យ ប៉ុន្តែបែជាបាត់បង់ឱកាសល្អដោយសារកំហុស ៦ យ៉ាង ខាងក្រោមនេះទៅវិញ។
១. ពេលវេលាតិចពេក ខ្ញុំមិនអាចធ្វើវាបានទេ
ការងារណាក៏ដោយ តែងត្រូវបានកំណត់់ពេលវេលាបញ្ចប់របស់វា។ អ្នកមិនអាចនិយាយត្អូញត្អែចំពោះពេលវេលា នៅពេលដែលអ្នកមិនទាន់សិក្សាពីការងារនោះទេ ព្រោះបង្ហាញថា អ្នកមិនបានយល់ច្បាស់ពីទំហំការងារនោះ ឬនិយាយអោយចំគឺ អ្នកខ្ជិល។ បើសិនជារឿងនេះកើតឡើងរឿយៗ អ្នករងចាំតែលិខិតបញ្តេញចេញទៅបានហើយ កុំរំពឹងលិខិតសរសើអី។
២. ខ្ញុំមិនត្រូវការអ្នកជួយទេ
វាពិតជាល្អណាស់សម្រាប់ការងារមួយចំនួនដែលអ្នកអាចគ្រប់គ្រង ឬធ្វើវាបានដោយខ្លួនឯង ប៉ុន្តែអ្នកត្រូវចងចាំថា គ្រប់ការងារទាំងអស់ គឺត្រូវសហការ ឬចែករំលែកអោយគ្នាដឹង ដើម្បីជៀសវាងអវត្តមានរបស់អ្នក ហើយអ្នកផ្សេងមិនអាចធ្វើបន្តពីអ្នកបាន។ បើសិនជាអ្នកនិយាយពាក្យនេះរឿយៗ អ្នកនឹងត្រូវបានគេទំលាក់ពិន្ទុ ទោះជាអ្នកធ្វើបាន ឬមិនបានក៏ដោយ។
៣. ខ្ញុំមិនអាចចេះតែធ្វើតាមអ្នកនោះទេ
ពាក្យនេះមានទំងន់ខ្លាំងចំពោះផ្លូវចិត្តក្នុងស្ថាប័ន។ ពេលខ្លះការងារមួយចំនួនមិនអាចធ្វើម្តងហើយត្រូវនោះទេ វាត្រូវការការកែលំអរ និងរិះគន់មុននឹងបិទបញ្ចប់ ដូច្នេះទោះជាអ្នករងសម្ពាធពីការរិះគន់ខ្លាំងយ៉ាងណាក៏ដោយ អ្នកមិនអាចបដិសេធបានទេ អ្នកត្រូវតែរហ័សរហួនធ្វើវាឡើងវិញ ពុំនោះទេ ពិន្ទុរបស់អ្នកនឹងធ្លាក់ចុះ ហើយគេនឹងរងចាំតែអ្នកដាក់ពាក្យសុំឈប់តែប៉ុណ្ណោះ។
៤. ទេ! នេះមិនមែនជាការងាររបស់ខ្ញុំទេ
នៅកន្លែងការងារ អ្នកមិនអាចនិយាយពាក្យទាំងនេះបានទេ បើទោះជាអ្នកកំពុងរវល់ថ្នាក់ណាក៏ដោយ ព្រោះពាក្យទាំងនេះ នឹងធ្វើអោយអ្នកគ្រប់គ្រងយល់ភ្លាមថា អ្នកមិនចូលចិត្តសហការជាមួយស្ថាប័ន ឬកិច្ចការរបស់គេទេ ដូច្នេះបើគេមានបំណងលើកតម្កើងអ្នក គេនឹងដកចិត្តវិញមិនខាន។
៥. ខ្ញុំមិនធ្វើវាទេ
ពាក្យនេះ ពិតជាមានទំងន់ខ្លាំងមែនទែន ព្រោះវាបញ្ជាក់ច្បាស់ថា អ្នកមិនចង់រួមចំនែក ឬមិនចូលចិត្តរួមចំនែកក្នុងកិច្ចការនេះទេ ដូច្នេះ អ្នកអាចប្រឈមមុខនឹងការបញ្តេញចេញគ្រប់ពេលវេលា។
៦. វាមិនមែនជាកំហុសរបស់ខ្ញុំទេ
ជាការពិត មនុស្សណាម្នាក់ក៏ដោយ ក៏មិនដែល ឬមិនចង់ទទួលស្គាល់ភាពទន់ខ្សោយ ឬកំហុសរបស់ខ្លួនដែរ។ នៅកន្លែងការងារ បើសិនជាមានបញ្ហាអ្វីកើតឡើង អ្នកមិនអាចឆ្លើយយករួចខ្លួន ថាវាមិនជាប់ពាក់ព័ន្ធនិងអ្នកនោះឡើយ ព្រោះគ្រប់ប្រតិបត្តិការទាំងអស់នៅក្នុងកន្លែងធ្វើការ គឺសុទ្ធតែទទួលរួមចំនែកខាតបង់រួមគ្នាទាំងអស់។ បើអ្នកប្រើប្រាស់ពាក្យនេះនៅចំពោះមុខប្រធានរបស់អ្នក អ្នកកុំរំពឹងសោះថា អ្នកអាចឡើងប្រាក់ខែ ឬតំនែង ព្រោះគេនឹងរង់ចាំតែអ្នកដាក់ពាក្យសុំចេញតែប៉ុណ្ណោះ។
អ្នកត្រូវដឹងថា កន្លែងការងារ ប្រៀបដូចជាផ្ទះថ្មីរបស់អ្នក គ្រួសារថ្មីរបស់អ្នក ព្រោះក្នុងមួយថ្ងៃអ្នកចំណាយពេល ៨ ទៅ ១០ ម៉ោង នៅកន្លែងធ្វើការ គឺស្ទើតែប្រហែលនឹងការចំណាយពេលវេលានៅផ្ទះជួបជុំបងប្អូន ក្រុមគ្រួសាររបស់អ្នក ដូច្នេះបើសិនជាអ្នកនៅតែចាត់ទុកថាការងារដែលអ្នកកំពុងធ្វើគឺគ្រាន់តែធ្វើដើម្បីប្រាក់ខែ ឬថាធ្វើឲ្យតែគេ នោះអ្នកនឹងមិនអាចជោគជ័យបានទេ។ អ្នកចង់ជោគជ័យ អ្នកត្រូវគិតជានិច្ចថា ការងារដែលអ្នកកំពុងធ្វើ គឺជាការងាររបស់ខ្លួនឯង។
Post a Comment