ក្រុមហ៊ុន Toyota បានប្រកាសថា ខ្លួននឹងដាក់ទុនវិនិយោគប្រមាណ ១,៤ពាន់លានដុល្លារ នៅរោងចក្រក្នុងរដ្ឋ Indiana សហរដ្ឋអាមេរិក ដើម្បីផលិតរថយន្តអគ្គិសនី SUV កៅអី៣ជួរ។
ការបន្ថែមទុននេះ នឹងធ្វើឱ្យការវិនិយោគរបស់ Toyota នៅក្នុងរដ្ឋ Indiana កើនដល់ ៨ពាន់លានដុល្លារ។ គួរដឹងថា រោងចក្រនេះ គឺជាទីកន្លែងផលិតរថយន្តល្បីៗដូចជា Sienna, Highlander, Grand Highlander និង Lexus TX ជាដើម។
ក្រៅពីរថយន្តអគ្គិសនីថ្មីកៅអី៣ជួរ រោងចក្រនេះក៏នឹងបន្ថែមខ្សែចង្វាក់ផលិតកម្មអាគុយថ្មីផងដែរ។
ការវិនិយោគថ្មីដ៏ច្រើនរបស់ Toyota នេះ ត្រូវបានគេដឹងថា គឺចង់បញ្ចេញរថយន្តអគ្គិសនីថ្មី ដើម្បីប្រជែងជាមួយរថយន្ត Kia EV9។ ជាមួយគ្នានេះ ក៏មានការលើកឡើងថា Toyota គ្រោងផ្លាស់ប្តូរ Highlander ឱ្យទៅជាប្រភេទអគ្គិសនីសុទ្ធវិញ ដោយទុក Grand Highlander នៅប្រើម៉ាស៊ីនចំហេះក្នុងដដែល៕
Post a Comment